குட்டிப் பதிவு 37

விக்டோரியாவின் கண்ணாடி உடைந்து விட்டது. நன்கு பழக்கமான விஷன் ஆப்டிகல்ஸ் போயிருந்தோம். கண்ணாடிய மாத்தியே ஆகனும். எதற்கும் கொஞ்சம் பரிசோதித்துக் கொள்ளலாமே என்றார் ஆப்டிகல்ஸ் தம்பி. நம் மீது உள்ள அன்பில் அவரே விக்டோரியாவை பக்கத்தில் இருக்கும் மருத்துவர் கருப்பையா அவர்களிடம் அழைத்துக் கொண்டு போனார்.

அலைபேசியை அணைத்துவிட்டு நானும் உள் நுழைந்தேன். விக்டோரியாவை சோதித்துக் கொண்டிருந்த மருத்துவர் கொஞ்சம் எழுவதுபோல் பாவித்து கை கூப்பி வணங்கினார்.

ஆச்சரியமாயிருந்தது. இன்றுதான் பார்க்கிறேன் அவரை. சோதித்து முடித்து ப்ரெஸ்கிரிப்ஷன் அட்டையை வாங்கிக் கொண்டு பர்சை எடுத்த போது வேண்டாம் சார். எழுத்தாளர்ட்ட எல்லாம் காசு வாங்கறதில்ல என்கிறார்.

ஆமாம் அப்ப வாசிக்கிற மாதிரிதான் எழுதறோம் போல