கவிதை 017

  மருத்துவம் மட்டும்தான்

படிப்பா ?

இப்படியாகத்தான்

இந்த நூற்றாண்டிற்கான

சூத்திரர்களுக்கான

கல்வி மறுத்தல் தொடரோட்டத்தை

ஆரம்பித்தான்

ஒரு புள்ளியில்

படித்தவன்

பக்கோடா போடலாமே என்றான்

சுதாரித்தோம்

இல்லையெனில்

பக்கோடா போட

படிப்பெதற்கென்று

நகர்ந்திருப்பான்

இப்போது

சூத்திர

கல்விமறுப்பு குச்சி

அறுபதாயிரம்

யானைகளை

ஒரே கப்பலில் ஏற்றியவனின்

கைகளுக்குப் போனது

அவனோ

மாடு மேய்க்கப்

பழகு

சம்பளம் தருவேன் என்கிறான்

இப்போது

இன்னொருவன் கைகளில்

சூத்திர கல்வி மறுப்பு குச்சி

இன்று

படிப்பைவிட

பக்தி பெரிதென்கிறான்

நாளை

பக்தி போதும்

படிப்பெதற்கென்பான்

குழந்தைகளே

எதற்கும்

சாணி வாளியில்

துடைப்பங்கள்

ஊறியபடியே இருக்கட்டும்

கவிதை 02 | 2025

எழுவதற்கு கொஞ்சம்

தாமதமானாலும் பரவாயில்லை

மெனக்கெட்டேனும்

இன்னும் கொஞ்சம் தூங்கி

விழிப்பு வரும்போது வரும் கனவை

பார்த்துவிடுங்கள்

இன்று அப்படியாக

என் கனவில் வந்த

ஒரு பாப்பாக்குருவி

நெஞ்சில்

வலிக்காமல் கொத்திப் பார்த்தது

கழுத்தில் மூக்கைத் தேய்த்தது

பிறகு

எப்போதாவது

கிரிஷ் பயல் திருட்டுத்தனமாய் பார்ப்பதுபோல்

பார்த்துவிட்டு

பறந்துவிட்டது

மெனக்கெட்டேனும் கொஞ்சம் தூங்கி

விழிப்பு வரும்போது வரும் கனவை

பார்த்துவிடுங்கள்

ஏதேனும் ஒரு பாப்பாக்குருவி

உங்களையும் ஆசிர்வதிக்கக்கூடும்

மழைக்கும் கால் வலிக்குமே என்று

 பெய்துகொண்டிருந்த மழை நிற்கத் துவங்குவதாகவும்

நின்று கொண்டிருந்ததால் தனக்கு கால் வலிப்பதாகவும்

பாட்டி நாற்காலியில் அமர

நின்றால்

மழைக்கும் கால் வலிக்குமே என்று

நாற்காலி வரைகிறாள் பேத்தி

கெடுத்துச் செத்தது

 

உன்னை மொய்க்கும் ஏராளக் கனவுகளில்

ஏதேனுமொன்றில் நுழைவதென்ற என் திட்டத்தை

கெடுத்துச் செத்தது

உனைக் கடித்த கொசு

தீண்ட...

 தீண்ட

விரல்கள் தேவையில்லை

தீண்டாத

விரல்களும் தேவையில்லை

முகநூல்

30.06.2022

இவன் என்பது ஒருநூறு கோடி

பத்தாது

மிதி

இன்னும் நாலு மிதி

நசுக்கு அவன் மூக்கை

ரத்தம் வரும்வரை

துப்பு அவன் மேல்

பக்கத்து ஊருக்கு பேசி

ஒரு வண்டி கெட்ட வார்த்தைகளை

கடன் வாங்கி

இறுக்கி நசுக்கு உன் வெறிதீறும் மட்டும்

அவன் குரல்வளையை

தூக்கிக் கிடாசு அவனை

உன் வண்டியில்

அடித்த கை வலிக்கும்

மிதித்த கால் வலிக்கும்

திட்டித் திட்டி வாய் வலிக்கும் உனக்கு

கொஞ்சம் வோய்வெடு

வேலையை

அடுத்த தோழனிடம் கை மாற்று

துவைத்து எடு

அவனை

சிறை எடுக்கும் வரை

வீடேகு

மதுகுடி

தூங்கித் தொலை

நாளையும் அழைக்கும்

களமுன்னை

நிற்பான் ஒருவன்

இவனினும் தெம்பாய்

இவனினும் தெளிவாய்

தெரிந்துகொள் நண்பா

ஒருமை அல்ல

இவன் என்பது

ஒருநூறு கோடி

முகநூல்

27.06.2022

அந்தக் காக்காவும்

 முந்தாநாள் பார்த்த

காக்காவைப் போலவே இருக்கிறது

இந்தக் காக்காவும்

முந்தாநாள் பார்த்த

காக்கா போலவே

இந்தக் காக்காவும் இருப்பதாக

உங்களிடம் நான்

சொல்லிக் கொண்டிருப்பதைப் போலவே

முந்தாநாள் பார்த்த மனிதனைப் போலவே இருந்தான் அவனென்று

தன் தோழமைகளிடம்

சொல்லிக்கொண்டிருக்கக் கூடும்

அந்தக் காக்காவும்

அப்பா மாதிரியான இன்னொருவரும்

 அப்பா மாதிரியான இன்னொருவரும்

ஞாயிற்றுக் கிழமை

செத்துப் போனார்

காரியமின்று

வாசலில் தேநீர் பருகிக் கொண்டிருப்பவர்களைக் கடக்கையில்

என்னைப் பார்த்து புன்னகைக்கிறார் அவர்

அவர்தான் செத்துப் போனாரே

யாரது பின்ன?

யாராவாவது இருக்கும்

இருக்கட்டும்

அவராகவே கொள்தல் மாயையாகவே இருக்கட்டும்

மாயைகள் சமயத்தில் இனிக்கும்

முகநூல்

18.05.2022

பேசித் திருத்தி இருக்கலாம்

 சுறுக்கமா இல்ல

சுருக்கமாத்தானடா லூசு பேசனுமென்ற

குறுஞ்செய்திக்கு பதில்

ரெண்டே ரெண்டு வார்த்தைகளில்

பேசித் திருத்தி இருக்கலாம்

எதுவெல்லாம் செய்யும்

உனக்கும் எனக்குமான உரையாடல்

என்பதறிந்த நீ

முகநூல்

10.06.2022

எட்டு கிலோ பட்டர்ஃப்ளையின் முத்த எச்சில்

 கீழே கிடந்த வண்ணத்துப்பூச்சி ஸ்டிக்கரை எடுத்த கிரிஷ்

இந்தா தாத்தா பட்டர்ஃப்ளை பிடி

நீட்டியவாறே ஓடிவருகிறான்

தூக்கி அணைக்கிறேன்

பட்டர்ஃப்ளை படத்திற்கு முத்தமிட்டவன்

எனக்கும் ஒரு முத்தம் தருகிறான்

எட்டு கிலோ பட்டர்ஃப்ளையின் முத்த எச்சில்

வரம்

முந்தாநாள் பார்த்த மனிதனைப் போலவே

 முந்தாநாள் பார்த்த

காக்காவைப் போலவே இருக்கிறது

இந்தக் காக்காவும்

முந்தாநாள் பார்த்த

காக்கா போலவே

இந்தக் காக்காவும் இருப்பதாக

உங்களிடம் நான்

சொல்லிக் கொண்டிருப்பதைப் போலவே

முந்தாநாள் பார்த்த மனிதனைப் போலவே இருந்தான் அவனென்று

தன் தோழமைகளிடம்

சொல்லிக்கொண்டிருக்கக் கூடும்

அந்தக் காக்காவும்

மாயைகள் சமயத்தில் இனிக்கும்

 அப்பா மாதிரியான இன்னொருவரும்

ஞாயிற்றுக் கிழமை

செத்துப் போனார்

காரியமின்று

வாசலில் தேநீர் பருகிக் கொண்டிருப்பவர்களைக் கடக்கையில்

என்னைப் பார்த்து புன்னகைக்கிறார் அவர்

அவர்தான் செத்துப் போனாரே

யாரது பின்ன?

யாராவாவது இருக்கும்

இருக்கட்டும்

அவராகவே கொள்தல் மாயையாகவே இருக்கட்டும்

மாயைகள் சமயத்தில் இனிக்கும்

மழை AV

எவ்வளவு அதட்டியும்

அடங்காமல்

காட்டுக் கத்தலாய்க் கத்தும்

மழைமீதான கோவத்தில்

வகுப்புத் தலைவியான பேத்தி ஒருத்தி

தனது ரஃப் நோட்டில்

குறித்து வைத்தாள்

மழை AV

அருள்கூர்ந்து மாற்றித் தொடங்குங்கள்

 வீடு வந்ததும் பேத்தியிடம் காண்பிக்கிறேன்

கொள்ளுத்தாத்தனின் நெஞ்சில் ஒட்டிக்கொள்ளும் கொள்ளுப்பேத்தியாய்

என் சட்டை ஜோபியின்மேல் வந்து ஒட்டிக் கொண்ட

அந்த வண்ணத்துப்பூச்சியை

”நோட்லதான வரைஞ்சேன்

தாத்தாட்ட ஏன் போன”

அதட்டலுக்கு பயந்து

மீண்டும் அது

பேத்தியின் நோட்டில் படமானது

“ஐ, குட் பாய்” என்று

கைதட்டி குதித்து குதூகலிக்கிறாள் பேத்தி

‘கொள்ளுத்தாத்தனின் நெஞ்சில் ஒட்டிக்கொள்ளும் கொள்ளுப்பேரனாய்’ என்று

அருள்கூர்ந்து மாற்றித் தொடங்குங்கள்

இரண்டாவது பத்தியை

என் பல்லிடுக்கில்

 

வாக்கு கேட்டுவிட்டு நகரும் உங்கள் கண்களில்...

 டீ மாஸ்டரை கொஞ்சம் ஒதுங்கச் சொல்லி

டீ போட்டுக் கொடுத்து

வாக்கு கேட்டுவிட்டு

நகரும் உங்கள் கண்களில்

இஸ்திரிக்காரர்

நாற்றுநடும் அக்கா

சித்தாள் என

எல்லோரும் படுகிறார்கள்

மலக்குழி இறங்கும்

என் தோழர்களைத் தவிர

 

மழைக்கான நாற்காலி

 

எல்லாம் தற்செயலாக...

 

கவிதை 20 24.01.2021

                                                                               01 

அறைக்குள் நுழைந்திருக்கும்

இந்தப் பிடிச்சப்பிடி மென் குளிரை

சமாளித்து விடலாம்

வாசிக்கிற சூடில்

ஒருதுண்டு கவிதையும்

ஒரு கோப்பை

சர்க்கரைப் போடாத

பாலற்ற எலுமிச்சைத் தேநீரும்

வாய்த்து விட்டால்

02

தன் இருத்தலை நிறுவ

ஒரே ஒரு சொட்டேனும்

இருட்டு தேவைப்படுகிறது வெளிச்சத்திற்கு

03

மலம் அள்ளுவதும்

கீழிறங்கி

சாக்கடை கசடள்ளி சுத்தம் செய்வதும்

என்னை எரித்த பிறகும் தொடருமானால்

இந்தக் கொடுமைக்கு எதிராக

சாராய நெடியும் கோவமுமாய்

கலந்து வரும்

அவனது கெட்ட வார்த்தைகளாகவும்

அவன் காறி உமிழும் எச்சிலாகவும்

மாறியிருப்போம்

என் கவிதைகளும் நானும்