தெரிந்துகொள்ள எத்தனை இருக்கு

 

தோழர் நல்லகண்ணு அவர்களுக்கும் தோழர் சங்கரய்யாவிற்கும் இடையே உள்ள தோழமை எல்லோருக்கும் தெரியும்.

தோழர் நல்லகண்ணுவிற்கும் கலைஞருக்கும் இடையே உள்ள உறவும் அனைவருக்கும் தெரியும்.

தோழர் நல்லகண்ணுவிற்கும் தோழர் கே.முத்தையாவிற்கும் இடையே இருந்த தோழமை குறித்த மிக அரிதான ஒரு தகவலை மானா பாஸ்கரன் தனது ‘’தோழர் நல்லகண்ணு’’ என்ற நூலில் தருகிரார்.

தோழர் நல்லகண்ணுவும் தோழர் கே.முத்தையாவும் வகுப்புத் தோழர்கள். அல்லது குறைந்த பட்சம் பள்ளித் தோழர்கள்.

இதுவே எனக்கு புதிய செய்தி.

இரண்டாம் உலகப்போர் காலத்தில் ஆங்கிலேயர்களுக்கு நிதி உதவியோ அல்லது படைக்கு ஆட்களைத் திரட்டவோ கூடாது என்று காங்கிரஸ் மக்களைக் கேட்டுக் கொண்டிருந்தது.

இவர்கள் பள்ளியில் இரண்டாம் உலக யுத்தத்திற்கு ஆதரவாக நாடகம் நடத்தி காங்கிரஸ் செய்யக்கூடாது என்று சொல்லி இருந்த இரண்டையும் சேகரிப்பது என்று சிலர் முயற்சி செய்தனர்.

தோழர்கள் இருவரும் சேர்ந்து அந்த நாடகத்தை நடக்கவிடாமல் பார்த்துக் கொண்டனர்.

பள்ளி நிர்வாகம் தோழர் கே.முத்தையாவை பளியில் இருந்து வெளியேற்றிவிட்டது.

தோழர் கே.முத்தையா பின்னாளில் இலங்கைக்கு சென்றுவிட்டார்.

அங்கிருந்தபடி மாதாமாதம் பத்து ரூபாயும் , வீரகேசரி இதழையும் நல்லகண்ணுவிற்கு அனுப்பி வந்தார்.

வீரகேசரியை தனக்கு வைத்துக் கொண்டு பத்து ரூபாயை நண்பர்களுக்கு செலவிட்டுவிடுவாராம் தோழர் நல்லகண்ணு.

தெரிந்துகொள்ள எத்தனை இருக்கு

இதை எழுதியபோது அவருக்கு வயது வெறும் 23

 22.03.1931

பகத்சிங் கொல்லப்பட்டதற்கு முதல் நாள்

அவர் தனது இறுதி கடிதத்தை எழுதுகிறார்

அவர் உயிர் வாழ்வதற்கு ஆசைப்படுகிறாரா என்ற கேள்வி அன்றைக்கு சமீபத்தில் சில நண்பர்களால் கேட்கப்பட்ட கேள்விக்கு பதிலாக அது அமைந்திருக்கிறது

உயிர் வாழும் ஆசை அனைவருக்குள்ளும் இயல்பாகவே இருக்கும். அப்படியாகவே அந்த ஆசை தனக்கும் இருக்கிறது என்றும் அதை மறைப்பதற்கு தான் விருபவில்லை என்றும் அந்தக் கடிதத்தில் கூறுகிறார்.

அனால் தான் உயிர் வாழ்வதற்கு நிபந்தனை உண்டு என்று கூறுகிறார் . தன்னை வெகுவாக வசீகரித்த புரட்சிக் கட்சியின் தியாகங்களும் சித்தாந்தமும் தன்னை ஒரு சிறைக்கைதியாகவோ அடுத்தவனுக்கு கட்டுப்பட்டு வாழ்பவனாகவோ ஒருபோதும் அனுமதிக்காது என்றும் கூறுகிறார்.

அப்படி ஒரு வாழ்க்கையை வாழ்வதைவிட சிரித்தபடியே தான் தூக்குமேடை ஏறும் காட்சியை இந்தியத் தாய்மார்கள் பார்த்தால் அது ஒரு உத்வேகத்தை அவர்களுக்கு கொடுக்கும் என்றும்

அந்தத் தாய்மார்கள் தங்கள் குழந்தைகளை பகத்சிங்குகளாக வளர்ப்பார்கள் அல்லது அந்தப் பிள்ளைகள் தாங்களாகவே பகத்சிங்குகளாக மாறும்போது அதற்கு தடை சொல்லாமல் அனுமதிப்பார்கள்.

அப்போது முழு மனதுடன் ஆசை ஆசையாய் ஒரு பேரெழுச்சி திரண்டு வரும்

அந்தப் பேரெழுச்சியை ஏகாதிபத்தியத்தால் எதிர்கொள்ள முடியாது.

இது தூக்குமேடை ஏறுவதற்கு கிட்டத்தட்ட 15 மணிநேரத்திற்கு முன்னதாக பகத் எழுதிய கடிதம்

வணக்கம் பகத்

23.03.2025

சேலம் துப்பாக்கி சூடு

07.02.1950

சேலம் கிளைச் சிறை

”டேய், 

நம்பர் கட்டைய மாட்டு, குல்லாவப் போடு”

என்று காட்டுக் குரலில் கத்துகின்றனர்  சிறைத்துறை அதிகாரிகள்

“நாங்கள் கிரிமினல்கள் அல்ல. அரசியல் கைதிகள் நாங்கள். உன் ஆணவ மிரட்டலுக்கு அடிபணிய மாட்டோம்”

எதிர்த்து கர்ஜிக்கின்றனர் அந்தக் கம்யூனிஸ்ட்கள்

மலபார் விவசாயிகள் போராட்டத்தில் கலந்து கொண்டு நேரு அரசாங்கத்தால் சிறைபிடிக்கப்பட்ட,

ஆந்திரப் பகுதியில் பஞ்சாலைப் போராட்டத்தில் பங்கேற்று நேரு 

அரசாங்கத்தால் சிறைபிடிக்கப்பட்ட,

மற்றும் தமிழ்ப் பகுதியில் போராட்டத்தில் கலந்துகொண்டு நேரு 

அரசாங்கத்தால் கைதுசெய்யப்பட்ட 
ஏறத்தாழ 350 கம்யூனிஸ்டுகள்

தண்ணீர் இறைப்பதற்கு மாடுகளுக்குப் பதில் கைதிகளை கட்டி இறைத்ததை எதிர்த்து

ரோடு ரோலர்களை இழுக்க வைத்ததை எதிர்த்து

வழங்கப்பட்ட மோசமான உணவை எதிர்த்து பட்டினிக் கிளர்ச்சியைத் தொடங்குகிறார்கள்

கிளர்ச்சித் தொடரத் தொடர அரசின் அடக்குமுறை அதிகரிக்கும் என்பதையும் சரியாக கணிக்கிறார்கள்

தாக்குதலுக்கு எதிர்வினையாற்ற தயாராகிறார்கள்

செங்கற்கள் உள்ளிட்டவற்றை தாக்குதலுக்காக சேமித்து வைக்கின்றனர்

இளைஞர்களைப் பின்னுக்குத் தள்ளிவிட்டு முதியவர்கள் பலியாக முடிவெடுக்கிறார்கள் 

11.02.1950

இன்றும் மிரட்டுகிறார்கள்

மறுக்கிறார்கள்

250 காவலர்கள் தடிகொண்டு அடிக்கிறார்கள்

துப்பாக்கிச் சூடு நடக்கிறது

திருச்செங்கோட்டைச் சேர்ந்த காவேரி முதலியார்
கடலூர் ஷேக் தாவூத்
சேலம்  ஆறுமுகம் மற்றும்
கேரளாவைச் சேர்ந்த 19 தோழர்கள் உள்ளிட்டு 22 பேர் பலியாகிறார்கள்

எங்கள் தோழர்களின் 74 நினைவு நாளில்

கடந்த கால வரலாறுகளை எங்கள் இளந் தலைமுறையினருக்கு 

வருங்காலத்திலாவது முறையாக எடுத்துச் சொல்ல முயற்சிப்போம் 
என்று உறுதி எடுக்கிறோம்

உறுதியான குரலில் சொன்னார் பெரியார்

ஒரு கட்டத்தில் “காந்தி ஒழிக” என்றுகூட பேசியவர் பெரியார்

ஆனால், காந்தி இறந்தபொழுது அப்படி வருந்தினார். ஒருபடி மேலே சென்று இந்த தேசத்திற்கு “காந்தி தேசம்” என்று பெயர் வைக்க வேண்டும் என்றும் கோரினார். பெரியாரை அதுவரை காந்தி எதிர்ப்பாளராகவே பார்த்து வந்தவர்களை இது பெரும் அதிர்ச்சிக்குள்ளாக்கியது.

ஏன், ஏனிந்த திடீர் மாற்றம்?

பெரியார் சொன்னார்,

“வாழ்ந்த காந்தி வேறு, செத்த காந்தி வேறு”

இந்த ஆறு சொற்களும் ஆழமானவை. எதையும் போகிற போக்கில் சொல்லும் வழக்கமற்ற பெரியார் இதையும் கூர்ந்த கவனிப்பிற்குப் பிறகே சொல்கிறார்.

இந்திய சுதந்திரத்தை தந்தை பெரியார் கொண்டாடவில்லை. அதைத் துக்க நாளாக என்று அறிவிக்குமளவிற்கு சென்றார். அவரது இந்த முடிவை அண்ணாவேகூட ஏற்கவில்லை.

காந்தி இதைத் துக்க நாளாகவெல்லாம் அறிவிக்காவிட்டாலும் இந்த விடுதலையில் இருக்கும் போதாமையைத் தன் இறுதிக் காலத்தில் உணர்ந்தவராகவே இருந்தார்

விடுதலை நாள் நெருங்க நெருங்க காந்தி ஒருவித மனச்சோர்வோடு இருந்ததை துயரத்தோடும் இருந்ததை அவரைச் சந்தித்த நண்பர்கள் உணர்கிறார்கள். ஏன் என்று வினவுகிறார்கள்.

தாம் உண்மையில் உணராத ஒரு மகிழ்ச்சியை தம்மால் வெளிப்படுத்த முடியாது, தன்னால் ஒருபோதும் அப்படியெல்லாம் பாசாங்கு செய்ய முடியாது என்று  20.07.1947 அன்று காந்தி கூறுகிறார்.

ஆக, பெரியார் அளவிற்கு தீவிரமாக வரப்போகும் விடுதலைகுறித்து கோவம் இல்லாதவராக இருந்தபோதிலும் இது மக்களுக்கான விடுதலையாக இருக்கப்போவதில்லை என்பதை உணர்ந்தவராகவும் அதன்பொருட்டு துயறுற்றவராகவுமே இருந்தார்

“உண்மையான சுயார்ஜ்யம் என்பது ஒரு சிலர் அதிகாரம் பெறுவது அல்ல. அதிகாரம் பெற்றவர்கள் தவறு செய்யும்போது அதை எதிர்ப்பதற்கான பலத்தை அனைவரும் பெறுவது”  என்பதை வலியுறுத்தி வந்த அவர் விடுதலை நெருங்குகிற காலத்தில் அது அப்படியாக இருக்கப் போவதில்லை என்று உணர்ந்து நொந்துபோனவராகவே இருந்திருக்கிறார்.

சுரண்டவும் செய்வார்கள், சுரண்டுபவர்களின் கால்களில் விழுந்து கிடக்கவும் செய்வார்கள் என்பதை உணர்ந்தவராகவும் துயருற்றவராகவே இருந்திருக்கிறார்.

“இந்தியை சென்னை மாகாணம் மட்டும் ஏற்க மறுக்கிறதே. அதை எப்படிப் புரிந்து கொள்கிறீர்கள்  என்று 1925 வாக்கில் தம்மிடம் கேட்கப்பட்ட கேள்விக்கு “அது, சிறுபான்மையினரின் கொடுங்கோண்மை” என்று பதில் சொன்னவர் காந்தி.

இன்னும் எழுத்துவடிவம் இல்லாத மொழிகள் அழிந்து இந்தி வளம் பெற வேண்டும் என்றுகூட அந்தக் காலகட்டத்தில் ஆசைப்பட்டவர் அவர்.

ஆனால் அந்த சிந்தனை அவரது இறுதிக் காலத்தில் மாறி இருந்தது

வங்கப் பிரிவினை குறித்து அவரிடம் 1947 ஜூலை மாதத்தில் கேட்கப்பட்டபோது

இஸ்லாமியர்கள் அதிகமாக வாழும் கிழக்கு வங்கம் என்றும் இந்துக்கள் அதிகம் வாழும் மேற்கு வங்கம் என்று பிரிக்கப்பட்டாலும் இரண்டு பகுதிகளிலும் வாழும் இஸ்லாமியரும் இந்துவும் வங்க மொழியைத்தான் பேசுவார்கள். அவர்கள் வங்காளிகள் என்ற பார்வை அவருக்கு வந்திருந்தது

இந்தியர்கள் அனைவரும் மற்ற இந்திய மக்களின் மொழி மற்ரும் பண்பாடு குறித்து அறிந்தவர்களாகவும் மதிப்பவர்களாகவும் இருக்க வேண்டும் என்றும் கோருகிறார்

இந்த காந்தி நம்மிடம் வருவதற்கு காலமாகி இருக்கிறது

தந்தை பெரியாரோ காந்தியிடம் உருவாகிக் கொண்டிருந்த இந்த மாற்றக்கங்களை கவைத்தவராகவே இருந்திருக்கிறார்

அதனால்தான் உறுதியான குரலில் சொன்னார் 

“வாழ்ந்த காந்தி வேறு, செத்த காந்தி வேறு 

இந்த அன்பிற்குரிய தோழர்கள் பட்டியல் என்பது என்னையும் சேர்த்துதான்

 
1929

மீரட் சிறை

மீரட் சதி வழக்கில் கைது செய்யப்பட்டவர்கள் தனித்தனிக் கொட்டடிகளில் அடைக்கப்படுகிறார்கள்

பிரிட்டிஷ் பேரரசரின் ஆட்சியை இந்தியாவில் இருந்து அப்புறப்படுத்த சதி செய்ததாக வழக்கு

இதற்கு அப்போது பெயர் சதி

இப்போது தேசப்பற்று

தேசத்திற்கு உண்மையற்றவர்களின் ஆட்சியில் தேசப்பற்றுக்கு தேசத் துரோகம் அல்லது சதி என்றே எப்போதும் பெயர்

கொட்டடியில் இருந்து வெளியே அழைத்து வரப்படும்போது சந்தித்துக்கொள்ளும் சிறிய சிறிய வாய்ப்புகளில் தோழர்கள் உரையாடிக் கொள்கிறார்கள்

நேரம் குறைவு

சுற்றிக் காவலர்கள்

அப்படியாக ஒரு சந்திப்பில் டாக்டர் அதிகாரியும் தோழர் முசாபரும் சந்தித்துக் கொண்ட அந்தச் சின்ன இடைவெளியில்

கான்பூர் சதிவழக்கில் நீதிமன்றத்தை அரசியல் களமாக தன்னால் மாற்ற முடியாமல் போனதற்காக வருந்திய தோழர் முசாபர்

மீரட் வழக்கில் நீதிமன்றத்தை பிரச்சாரக் களமாக மாற்ரினால் என்ன எனக் கேட்க

தோழர் அதிகாரி சரி என்று சொல்ல

அதற்கான திட்டங்கள் தீட்டப்படுகின்றன

நீதிமன்றத்தில் ஒவ்வொரு நாளும் தனித்தனி வாக்குமூலங்கள் கொடுப்பது

பொதுவான வாக்குமூலங்கள் கொடுப்பது

முன்கூட்டியே கற்பது என

வாய்த்த சின்னச் சின்ன சந்திப்புகளில் தோழர்கள் முடிவெடுக்கிறார்கள்

செய்து காட்டுகிறார்கள்

சிறைகளை,

நீதிமன்றங்களை,

தூக்குமேடைகளை 

அரசியல் களமாக்கி இருக்கிறார்கள்

சிறையில் இருக்கிறார்கள்

தனித் தனிக் கொட்டடி

கற்றுக் கொண்டு எதிர்கொள்ள வேண்டும் என்கிறார்கள்

அன்பிற்குரிய தோழர்களே,

இந்த அன்பிற்குரிய தோழர்கள் பட்டியல் என்பது என்னையும் சேர்த்துதான்

சுயபரிசீலனை செய்வோம்

பின் குறிப்பு: கையில்பாரதி புத்தகாலயம் வெளியீடான தோழர் முசாபர் எழுதிய “மீரட் சதிவழக்கு” என்ற குறு நூல்

இந்த மனிதனுக்கு இயற்கையான மரணம் கிடைத்துவிடக் கூடாது

”இந்த மனிதனுக்கு இயற்கையான மரணம் கிடைத்துவிடக் கூடாது என்ற வெறி என் நெஞ்சில் எழுந்தது” என்று

தனது வாக்குமூலத்தில் கோட்சே கூறியதாக தனது “கோட்சேயின் குருமார்கள் நூலின் 38 வது பக்கத்தில் தோழர் அருணன் கூறுகிறார்

ஏன் அந்தக் கிழவன் மீது இவ்வளவு வன்மம் அவனுக்கு?

அதற்கான காரணத்தையும் அவன் தனது வாக்குமூலத்தில் கூறுகிறான்

அதையும் தோழர் அருணன் அதே நூலின் 37 வது பக்கத்தில் வைத்திருக்கிறார்

இந்த தேசத்திற்கு காந்தி துரோகம் செய்துவிட்டதாகப் பொதுவான குற்றச்சாட்டை வைக்கும் அவன் அவர்மீது நான்கு குற்றச்சாட்டுகளை வைக்கிறான்

1 இந்தியை தேசிய மொழியாக முன்மொழிந்துவந்த காந்தி இஸ்லாமியர்களை திருப்த்திப்படுத்துவதற்காக இந்துஸ்தானியை முன்னெடுக்க ஆரம்பித்திருக்கிறார்

2 வந்தேமாதரம் பாடலை அவர் விரும்பவில்லை

3 பசு பாதுகாப்பிற்காக வாய்கிழிய பேசும் காந்தி உருப்படியாக எதுவும் செய்யவில்லை

4 அவரது உண்ணாவிரதங்கள் இந்துக்களை மிரட்டவும் இஸ்லாமியர்களுக்கு ஆதரவாகவுமே இருக்கின்றன

ஆக, காந்தியின் கொலையில் மொழியும் உண்டு என்பது தெளிவாகிறது

இது குறித்தான ஒரு கட்டுரையை எனது “காட்பரிஸ் கல்வியும் கமர்கட் கல்வியும்” நூலில் வைத்திருக்கிறேன்

மற்றக் குற்றச்சாட்டுகளே RSS அமைப்பின் இன்றைய கொள்கை நீட்சியாக உள்ளன

14.01.1948 அன்று காந்தியாரின் உண்ணாவிரதத்தின் இரண்டாம் நாள்

அன்று அவரைச் சந்திக்க வந்திருந்தவர்களில் படேலும் ஒருவர்

வந்தவர்கள் யாரும் காந்தியின் கோரிக்கையை (55 கோடி) ஏற்கவில்லை

காந்தியிடம் படேல் அவர்கள் கொஞ்சம் கோவப்பட்டதாகவே தோழர் அருணன்வழி நம்மால் அறிந்துகொள்ள முடிகிறது

நம்பிக்கை இழந்த கிழவன் 

“நான் அறிந்திருந்த சர்தார் நீங்கள் அல்ல” என்று கூறுகிறார்

30.01.1948 அன்று பிற்பகல் காந்தியை கடைசியாக சந்திக்க வந்தவர் படேல்

“இப்போது நீங்கள் என்னைப் போகவிட வேண்டும்” என்று படேலிடம் விடைபெற்றுக்கொண்டு பிரார்த்தனைக் கூட்டத்திற்குப் புறப்படுகிறார்

சற்று நேரத்தில் அனைவரிடம் இருந்தும் அவரை விடைபெறச் செய்தான் கோட்சே

”நான் அறிந்திருந்த சர்தார் நீங்கள் அல்ல”

காந்தியின் இந்த சொற்கள் படேலின் இறுதி மூச்சுவரை அவரது காதில் ஒலித்துக் கொண்டேதான் இருந்திருக்கும்

இது RSS செயல் என்று நேரு சொன்னதைக்கூட விட்டுவிடலாம்

முள்ளாள் குடியரசுத் தலைவர் பாபு ராஜேந்திரபிரசாத் அவர்கள் 13.10.1948 அன்று அன்றைய உள்துறை அமைச்சருக்கு கடிதம் எழுதுகிறார்

அந்தக் கடிதத்தில் காந்தியைக் கொன்றவர்கள் வைக்கிற வாதங்கள் தம்மை காயப்படுத்துவதாகவும், கொலையாளியை ஒரு வீரநாயகனாக்க முயற்சிகள் நடப்பதாகவும் கூறுகிறார்

மே 14 அன்றும் அவர் படேலுக்கு ஒரு கடிதம் எழுதுகிறார்

அதில்,

RSS கலகத்தை இஸ்லாமிய உடை அணிந்து நடத்த திட்டமிட்டிருப்பதாகத் தன்னிடம் கூறப்பட்டிருப்பதாகவும் அவர் கூறுகிறார்

இதை கூறியவர் ராஜேந்திரப்பிரசாத்

இவை எல்லாம் நடக்கத் தொடங்கி இருக்கின்றன

இந்து ஆலயங்களி இறைச்சித் துண்டை வீசிவிட்டு இஸ்லாமியர்கள் வீசியதாகவும்

தங்கள் வீடுகளுக்கு தாங்களே பெட்ரோல் குண்டு வீசிவிட்டு பழியை இஸ்லாமியர்கள்மீது போடுவதையும் செய்வதுகூட 

ராஜேந்திரபிரசாத் அவர்கள் சொன்னதன் நீட்சிதான்

நல்வாய்ப்பாக இவர்கள் அவர்களாகவே அம்பலப்பட்டுப் போவதுதான்

வாக்குமூலத்தில்

சுதந்திரத்திற்கு காந்தி காரணமல்ல என்று கோட்சே கூறுகிறான்

அவனது பட்டியலில் படேலின் சகோதரர் விதல்பாய் படேலின் பெயரும் இருந்தது

அவன் அப்படிக் கூறுகிறான்

ரவியும் காந்தி காரணமல்ல என்கிறார். இப்பைப் பச்சையாக சொல்லமுடியாது என்பதால் காந்தி மட்டுமல்ல போசும்தான் என்கிறார்

03.02.1948 இல் இரண்டு காரணங்களுக்காக படேல் ராஜினாமா செய்ய விரும்புவதாகக் கூறுகிறார்

1 ஸ்டேட்ஸ்மென் பத்திரிக்கையில் ஒரு வாசகர் காந்தியைக் காக்கத் தவறிய படேல் ராஜினாமா செய்ய வேண்டும் என்று கோரியிருப்பது

2  இதுகுறித்த தோழர் சுந்தரய்யாவின் பேச்சு

ஆக, கோட்சே என்ற RSS காரனால் காந்தி கொலைசெய்யப்பாட்டார் என்பது தெளிவு

அவன் விரும்பிய மதவெறிகொண்ட ஆட்சிக்கான பாசிச சக்திகள் இப்போது முயற்சி செய்து வருகிறார்கள்

அன்போடும் ஜனநாயக சக்திகளை ஒன்று திரட்டியும் எதிர்கொள்வோம்

 

வதந்திகளை கருத்தியல் ரீதியாக எப்படி எதிர்கொள்வது என்பதற்கு இந்த நூல் சாட்சி

 
கீழவெண்மணிக்கு சென்று அந்தப் போராட்டக் களத்தின் எஞ்சிய சாட்சியாக இருக்கும் தோழர் கோ.பழனிவேல் அவர்களை ஆளுநர் சந்திக்க இருப்பதாக செய்திகள் கசிவதையும்

தோழர் பழனிவேல் ஆளுனரைச் சந்திக்க தான் விரும்பவில்லை என்று தெரிவித்துள்ள செய்தியையும் 28.01.2024 அன்று காலை நான் வாசித்ததும்

”மரிச்ஜாப்பி” நூலை எழுதிய தோழர் ஹரிலால் நாத் அவர்களின் முன்னுரையையும்

அதன் தமிழ் பெயர்ப்பாளர் தோழர் ஞா.சதீஸ்வரன் அவர்களின் முன்னுரையும்

இன்று இரவு வாசித்ததும் மிகவும் தற்செயலாகத்தான்

இந்த இரண்டிற்கும் ஒரு தொடர்பு இருப்பதையும், 

இன்றைய தீக்கதிரில் வந்த செய்தியை மிக எச்சரிக்கையோடு இடதுசாரிகள் அணுக வேண்டும் என்று இந்த இரண்டு முன்னுரைகளும் நமக்கு தருவதையும் என்னால் உணர முடிகிறது

‘மரிச்ஜாப்பி’ தமிழில் வருவதற்கு திருவாரூரில் நடந்த ஒரு படிப்பு வட்டத்தில் நடந்த ஒரு உரையாடலில் ஒரு குழந்தைக் கேட்ட ஒரு கேள்விதான் காரணமென்பது சில கோரிக்கைகளை நம்மிடம் வைக்கிறது

திருவாரூரில் உள்ள மத்தியப் பல்கலைக்கழகத்தில் ஒரு படிப்பு வட்டத்தை நமது பிள்ளைகள் நடத்தி வருகிறார்கள்

ஒரு நாள் “கீழவெண்மணி” குறித்து உரையாடல் நடக்கிறது

அப்போது ஒரு குழந்தை “மரிச்ஜாப்பி”யில் லட்சக்கணக்கான அகதிகளை அன்றைய இடதுசாரி அரசாங்கம் கொன்று அழித்ததாமே என்ற ஒரு கேள்வியை வைக்கிறார்

அதுவரை,

அங்கிருந்தவர்களில் பலருக்கு மரிச்ஜாப்பி என்றால் என்னவென்றே தெரியாது

ஆக அந்தக் கேள்விதான் தோழர் சத்தீஸ்வரனை இதுநோக்கி உந்துகிறது

அந்தக் கேள்விதான் இந்த நூல் தமிழில் வருவதற்கு காரணமாக அமைகிறது

மாநிலத்தில் மம்தா அரசங்கமும்,

ஒன்றியத்தில் பாஜக அரசாங்கமும் வந்த பிறகு

மேற்கு வங்கத்தில் மரிச்ஜாப்பியில் அகதிகளை கொன்று அழித்ததாக குவியல் குவியலாக புனைந்து எழுதப்பட்ட வதந்திகள்தான் தோழர் ஹரிலால் நாத் அவர்களை இந்த நூலை எழுதத் தூண்டியது

ஆக வதந்திகள் இந்த மூல நூலையும்

வதந்திகளைக் குறித்து எழுப்பப்பட்ட ஒரு கேள்வி நூலின் தமிழாக்கத்தையும் கொண்டு வந்திருக்கிறது

வதந்திகளை கருத்தியல் ரீதியாக எப்படி எதிர்கொள்வது?

என்பதற்கு இந்த நூல் சாட்சி

உரையாடல்களை, கேள்விகளை ஊக்கப்படுத்துவோம்

ரவி கீழவெண்மணிக்குப் போக நினைப்பது என்பதே நாம் எச்சரிக்கையோடு அதன் வரலாற்றினை இன்னும் பேரதிகமாக உரத்து பேச வேண்டும் என்பதையும்  நமக்கு உணர்த்துகிறது 

அது சாத்தியம் இல்லாததால் ஹிட்லர் யூதர்களைக் கொன்றான்

 

பி.எஸ்.கிருஷ்ணன் அவர்களின் “சாதி ஒழிப்புக்கான சென்னைப் பிரகடனம்” என்ற நூலின் தோழர் த.நீதிராஜன் அவர்கள் மொழிபெயர்க்க சவுத் ஏசியன் புக்ஸ் வெளியிட்டிருக்கிறது

தனது மொழிபெயர்ப்பிற்கான தனது முன்னுரையில் தோழர் நீதிமணி சொல்பவற்றில் இரண்டு முக்கியமானவை

ஹிட்லர் இரண்டாம்தர மக்கள் என்று வகைப்படுத்திக் கொன்ற மக்களில் யூதர்களோடு ஆயிரக்கணக்கான இந்தியர்களும் உண்டு என்பது ஒன்று

ஆயிரம் ஆண்டுகளுக்கு முன்னர் இந்திய சாதிய சமூகத்திலிருந்து பல்வேறு நாடுகளுக்கு ஓடிப்போன இந்திய மக்களில் ஜெர்மனுக்கு போனவர்கள் அவர்கள்

இரண்டாவதாக அவர் கூறுவது மிக முக்கியமானது

இந்திய சனாதனத்தின் ஜூனியர்தான் நாஜிசம்

சாதியாய் வகைப்படுத்தி இரண்டாந்தர மக்களாக சேரிக்குள் மக்களை அடைத்து வைக்கும் இந்தியக் கருத்தியல்தான் சனாதனம்

இப்படித்தான் ஹிட்லரும் யூதர்களை செய்தான்

இந்திய சனாதனத்தால் இந்தக் கருத்தியலை நிரந்தரப்படுத்த முடிந்தது

அது சாத்தியம் இல்லாததால் ஹிட்லர் யூதர்களைக் கொன்றான்

மிக நல்ல நூல்

இப்போது எந்தப் பதிப்பகத்தின் வழி கிடைக்கிறது என்று தெரியவில்லை

உங்களை சுடச் சொன்ன பாரியண்டேசை உலகம் மறந்துவிட்டது சே

 

அன்பின் சேகுவேரா,

வணக்கமும் முத்தமும்

அக்டோபர் 08, 1967

உங்களது உடைமைகள் குறித்து பொலிவியா ஒவ்வொன்றாக வெளியிடத் தொடங்குகிறது

சில தகவல்களையும் வெளியிடுகிறார்கள்

உங்களோடு இருந்தவர்கள் உறைகிறார்கள்

ஆமாம்,

அவை அவ்வளவு துல்லியமானவை

பிடிபட்டுவிட்டீர்கள்

உயிரோடு இருக்கிறீர்களா? இல்லையா? என்பதுதான் கேள்வி

பிடிபட்ட கணவாயிலேயே நீங்கள் சுட்டுக் கொல்லப்பட்டுவிட்டதாக கசியவிடப்படுகிறது

பொலிவியாவைக் குறித்தும்

பொலிவிய அதிபர் பாரியண்டோஸ் குறித்தும் நன்கு அறிந்தவர்களுக்கு ஒரு விஷயம் தீர்க்கமாகத் தெரிந்தது

ஒன்று நீங்கள் பிடிபட்ட கணவாயிலேயே கொல்லப் பட்டிருக்க வேண்டும்

அல்லது விசாரனைக்கு முன்பே நீங்கள் உறுதியாகக் கொல்லப்படுவீர்கள்

அமாம்

அமெரிக்காவே உங்களை உயிரோடு பனாமாவிற்கு கொண்டுபோக ஆசைப்பட்டதாக தகவல்கள் உண்டு

பொலிவியாவில் வைத்து விசாரித்தாலும்

விசாரனையை உங்கள் பக்கம் நகர்த்துவீர்கள்

போக,

பொலிவியாவில் மரண தண்டனை கிடையாது

நீங்கள் உயிரோடு இருப்பது மக்களை எப்போது வேண்டுமானலும் கிளர்ந்தெளச் செய்யும் என்பதை

பாரியண்டோஸ் நன்கு உணர்ந்திருந்தான்

ஆகவே

பாரியண்டோஸ் உங்களைக் கொன்றுவிடுமாறு உத்தரவிட

அந்த உத்தரவு ரெக்டெரான் என்பவனுக்கு அனுப்பப் படுகிறது

அவன் அதை செய்வதற்காக

உங்களை அடைத்துவைத்திருந்த பள்ளிக்கு வருகிறான்

பாருங்கள் சே,

பிடிபட்ட உங்களை அடைத்து வைப்பதற்காக பள்ளியை சிறையாக்கி இருக்கிறார்கள்

சிறைகளை பள்ளியாக்க நினைத்த மனிதனை அடைத்து வைக்க பள்ளியை சிறையாக மாற்றினார்கள்

பள்ளியில் இருந்த உங்களுக்கு உணவு அளிப்பதற்கு அனுமதி கேட்கிறார் யூலியா கார்டினோஸ் என்கிற ஆசிரியை

ஆச்சரியம்,

அனுமதி கிடைக்கிறது

என்ன செய்யப் போகிறார்கள் என்னை? என்று கேட்கிறீர்கள்

தனக்குத் தெரியாதென்றும்

கடவுள் உங்களைக் காப்பாற்றட்டட்டும் என்றும் அழுதுகொண்டே கூறியபடி அவர் ஓடிவிடுகிறார்

கடவுள் என்று ஒருவர் இருந்திருந்தால் உங்களைக் காப்பாற்றி இருப்பார்தானே சே

“tri continental" பத்திரிக்கைக்கு நீங்கள் ஒரு முறை பேட்டி தருகிறீர்கள்

கடைநிலையில் இருக்கக்கூடிய உலக மக்களின் விடுதலையே லட்சியம் என்கிறீர்கள்

நம்முடைய ஒவ்வொரு செயலும் ஏகாதிபத்தியத்திற்கு எதிரான குரலாக இருக்க வேண்டும் என்றீர்கள் அதில்

எவ்வளவு வித்தியாசம்

எல்லோரும் ஏகாதிபத்தியத்திற்கு எதிராக குரல் தர வேண்டும் என்று சொல்லிக்கொண்டிருந்தபோது

ஏகாதிபத்தியத்திற்கு எதிரான செயலே

அதற்கு எதிரான குரல் என்று சரியாக சொன்னவர் நீங்கள்

அதே பேட்டியில்

நமது குரலை ஒரே ஒரு காது கேட்டாலும் போதும்

ஒரே ஒரு கை துப்பாக்கியை ஏந்தினாலும் போதும் என்றும் கூறினீர்கள்

துப்பாக்கி ஏந்த கைகளைத் தேடிய நீங்கள்தான்

எதிரியே தூண்டினாலும் தேவைப்பட்டால் ஒழிய ஆயுதத்தை எடுக்கக் கூடாது என்றும் சரியாகக் கூறினீர்கள்

உங்களிடமிருந்த டைரி ஒன்றைக் கைப்பற்றி பாரியண்டோசிடம் கொடுக்கிறார்கள்

அதை அவர் CIA விற்கு கொடுக்கிறார்

அது எப்படியோ கிடைத்து நூலாகவும் வருகிறது

அய்யோ சே,

07.10.1967 அன்றுகூட எழுதியிருக்கிறீர்கள்

அதில்

வீரமிருந்தாலும் தவறான தந்திரங்களை அவை மக்களை பலிவாங்கும் என்பதால் அவற்றை கையெடுக்கக்கூடாது என்பதில் உறுதியாக இருந்தீர்கள்

இதற்குள் ரெக்டெரான் உங்களைச் சுட வந்துவிட்டான்

முடியாது தடுமாறுகிறான்

போதையேற்றுகிறான்

நீங்களே அவனை உங்களை சுடச் சொல்லி உற்சாகப்படுத்தியதாகவும் உறுதியில்லாத தகவல்கள் கூறுகின்றன

நீங்கள் இறந்ததும்

அசட்டு துணிச்சல்காரர் நீங்கள் என்றும்

இனி லத்தின் அமெரிக்காவில் ஏதும் செய்ய இயலாது என்றும் கூறினார்கள்

ஆனாலும் பாருங்கள்

லத்தீன் அமெரிக்கா சிவந்துகொண்டே இருக்கிறது

அந்த மக்கள் ஜனநாயகத்திலும் பக்குவப்பட்டு வருகிறார்கள்

உலகம் முழுக்க

ஏன் அமெரிக்காவிலும்

பிள்ளைகள் உங்கள் படம் இட்ட பனியன்களை அணிகிறார்கள்

உங்களை சுடச் சொன்ன பாரியண்டேசை உலகம் மறந்துவிட்டது

அவன் உத்தரவால் கொல்லப்பட்ட உங்களை உலகம் அது உள்ளவரைக் கொண்டாடும்

வீர வணக்கம் சே

அன்புடன்,

இரா.எட்வின்

09.10.2022

#சாமங்கவிய இரண்டுமணி பதினான்கு நிமிடங்கள்

09.10.2022

ஓராண்டு சிறை என்கிறார்கள்

 நண்பரோடு சேர்ந்து சித்து தாக்கியதில் முதியவர் இறந்திருக்கிறார்

இது கொலை

வழக்கு 35 ஆண்டுகளாக நடக்கிறது

ஓராண்டு சிறை என்கிறார்கள்

அவ்வளவுதானா?

நியாயம்தானா?

முகநூல்

26.0502022

அண்ணா “டான் டீ”

 மதுரை உயர்நீதிமன்றக் கிளையை பேருந்து கடக்கும்போதே மத்தியப் பேருந்து நிலையத்தில் இருக்கும் டான் டீ கடையின் உயர க்ளாஸ் தேநீருக்கு நமது நாக்கு தயாராகிவிடும்

இறங்கியதும் முதல் வேலை அந்தக் கடைக்குப் போவதுதான்

ஊர் திரும்பும்போதும் அங்கு தேநீர் அருந்தாமல் நகர்வது இல்லை

சமீபத்தில் மதுரை அருளானந்தர் கல்லூரியில் உரையாற்ற சென்றபோதும் அப்படித்தான்

அந்த டான் டீ நிறுவனத்தை அண்ணா உருவாக்கியதற்கான காரணம் மிக முக்கியமானது

1960 களில் இலங்கைத் தோட்டத் தொழிலாளிகளது குடியுரிமையைப் பறிக்கிறது இலங்கை அரசு

பலர் தமிழ்நாட்டிற்கு திரும்புகிறார்கள்

அவர்களுக்கான பலவிதமான வேலைவாய்ப்புகளை உருவாக்குகிறார் அன்றைய முதல்வர் அண்ணா

அவர்களில் பெரும்பான்மையானோருக்கு தேயிலைத் தொழிலைத் தவிர வேறு எதுவும் தெரியாது என்பது அண்ணாவின் கவனத்திற்கு வருகிறது

1968 இல் அண்ணா “டான் டீ” நிறுவனத்தை உருவாக்குகிறார்

அண்ணா குறித்து பேச நிறைய இருக்கு

முகநூல்

25.05.2022

திண்டுக்கல் விடுதலை வீரர் கூட்டமைப்பு

 08.06.1800

இந்திய வரலாற்றில் ஒரு முக்கியமான நாள்

நான்காம் மைசூர் போரில் திப்பு வீர மரணம் அடைகிறான்

எனவே திப்புவோடு தமது இளம் படைவீரர்களோடு களத்தில் இருந்த சின்னமலை பின்வாங்கி ஓடாநிலை வருகிறார்

தமது படையை பலப்படுத்தி அங்கிலேயர்களை எதிர்கொள்ள திட்டமிடுகிறார்

வேலைகள் நடக்கின்றன

இந்த நேரத்தில் ஆங்கிலேயர்களிடம் இருந்து அவருக்கு ஒரு செய்தி வருகிறது

கோவை பகுதியில் சின்னமலை வரி வசூலித்துக் கொள்ளலாம் என்றும்

அதில் 30 விழுக்காட்டை கும்பினியாருக்கு செலுத்தினால் போதும் என்றும் அந்த செய்தி கூறுகிறது

சின்னமலை மறுக்கிறார்

ஜெனரல் மெடோஸ் பொறுப்பில் இருக்கும் கோவையை மீட்பதே தன்னுடைய கடமை என்று உறுதி எடுக்கும் சின்னமலை

சிவகங்கை சின்னமருது, கேரள வர்மா, திண்டுக்கல் லக்குமநாயக்கர் ஆகியோரோடு கோவையைத் தாக்கத் திட்டம் தீட்டினார் என்றும்

இதன்பொருட்டு “திண்டுக்கல் விடுதலை வீரர் கூட்டமைப்பு” உருவானது என்றும்

தோழர் சு.போ.அகத்தியலிங்கம் ( Su Po Agathiyalingam) தனது” விடுதலைத் தளும்புகள்” என்ற நூலில் (பக்கம் 45 ) குறிப்பிடுகிறார்

விருப்பாச்சி கோபால் நாயக்கர் குறித்து விக்கி பீடியா குறிப்பிலும் இந்தத் திட்டம் குறித்து வருகிறது

ஆனால் அந்த விக்கிபீடியா குறிப்பில் சின்னமலை பெயர் இல்லை

”கி.பி.1800 ஏப்ரலில் கோபால்நாயக்கர் தலைமையில் இறுதிக்கட்டப் போருக்கு திட்டமிட்டனர். இக்கூட்டத்தில் கேரளவர்மா, மைசூர் கிருட்டிணப்பா, சிவகங்கை சின்னமருது, கோவை ஹாஜிஹான், இராமநாதபுரம் கல்யாணித்தேவர், மற்றும் பெருமாள் பிள்ளை ஆகியோர் கலந்து கொண்டனர். கி.பி.1800 சூனில் கோவையிலுள்ள ஆங்கிலேயரின் ராணுவ முகாமை நாலாபுறமும் இருந்து ஒரே சமயத்தில் தாக்குவது என முடிவெடுத்தனர்.

அதன்படி ஓசூர் புட்டா முகமது, இச்சாபட்டி ராமனுல்லாகான், ஓசூர் முஹமது ஹாசன், பரமத்தி அப்பாவு, சேசையா ஆகியோர் தளபதிகளாக இருப்பது எனவும் முடிவெடுத்தனர்.

இச்செய்தி ஆங்கிலேயருக்கு எட்டியது. ஆங்கிலேயர் நாலாபுறமும் பீரங்கிப்படையை நிறுத்தி புரட்சிப்படைகளைச் சுற்றி வளைத்துக் கைது செய்தனர்.

என்றும்

அவர்கள் கொல்லப்பட்டதாகவும் விக்கிபீடியா சொல்கிறது

பிடிபட்டவர்களில் 42 பேர் 08.06.1800 அன்று தூக்கிலிடப் பட்டதாகவும் ஏராளமான வீரர்கள் “ப்ரின்ஸ் ஆஃப் வேல்ஸ்” தீவுகளுக்கு நாடு கடத்தப் பட்டதாகவும் தோழர் சு.போ.அகத்தியலிங்கம் கூறுகிறார்

இன்று 08.06.2021,

இருநூற்றி இருபத்தியோரு ஆண்டுகளுக்கு முன்னால் 42 பேர் தூக்கிலிடப் பட்டிருக்க்ன்றனர்

ஆயிரம் பேரை உள்ளிட்ட எண்ணிக்கையில் நாடு கடத்தப்பட்டுள்ளனர்

இதுபோன்ற தியாகங்களால்தான் நாம் இன்று இந்த அளவிற்கேனும் கொஞ்சம் சுதந்திரமாக உள்ளோம்

திண்டுக்கல், இடையகோட்டை, விருப்பாச்சி, மணப்பாறை போன்ற ஊர்கள் எல்லாம் இந்த வரலாறோடு தொடர்பில் உள்ளன

வரலாற்றின் இந்தத் துண்டில் மாற்றம் இருக்கலாம்

கொஞ்சம் கூடலாம் குறையலாம்

ஆனால் இது ஒரு வரலாறு

லிங்கனை, லெனினை, காந்தியை, மாவோவை ஓரளவிற்கேனும் தெரிந்து வைத்திருக்கும் மணப்பாறை பிள்ளைகளுக்கு அவர்கள் மண்ணின் வீரப் புதல்வன் லக்குமி நாயக்கரையும் சொல்லிக் கொடுக்க வேண்டியது அவசியம் அல்லவா?

பின் குறிப்பு

***************

திண்டுக்கல் லக்குமி நாயக்கர் என்பவர் மணப்பாறையைச் சேர்ந்தவர் என்றும் இணையவழி கொள்ள முடிகிறது. இவருக்கும் விடுதலைப் போரில் பங்களிப்பு இருக்கிறது என்பதும்கூட

மணப்பாறையில் இருந்து 25 கிலோமீட்டரைச் சேர்ந்த ஊர்க்காரனான எனக்கு திமிர் கொள்ள பாத்தியதை உண்டு

ஒருபோதும் ஒப்பிடாதீர்கள்

பொதுவாகவே அலட்சியமான அதிகாரியையோ அல்லது ஆட்சியாளரையோ கடக்க நேரிடும் காலங்களில் அவர்களை நீரோவோடு பொருத்திப் பார்ப்பது வாடிக்கை

இன்றைய தேதியில் அப்படியான ஒரு தலைவரை இந்திய மக்கள் கடந்து கொண்டிருக்கிறார்கள்

கொரோனா மக்களை வாட்டி எடுத்துக் கொண்டிருக்கிற இந்தக் காலத்தில்

“கை தட்டுங்கள்”,

“விளக்கு ஏற்றுங்கள்”

என்று கூறும் தலைவர் ஒருவரை இந்திய மக்களாகிய நமக்கு காலம் கொடையளித்திருக்கிறது

அநேகமாக இந்திய மக்கள் அனைவரும் ஏதேனும் ஒரு புள்ளியில் அவரை நீரோவோடு பொருத்தி பகடி செய்திருக்கக் கூடும்

காரணம் இதுதான்,

ரோம் தீப்பற்றி எரிந்தபோது நீரோ பிடில் வாசித்துக் கொண்டிருந்தான் என்பதாக நமக்குள் விதைக்கப்பட்டிருக்கிறது

ஆனால் இது உண்மையல்ல

முழுக்க முழுக்க அந்தக் காலத்தின் முதலாளிகளும் செல்வந்தர்களும் செனட்டர்களை தங்கள் கைகளுக்குள் மடக்கிக் கொண்டு

தங்களுக்கு எதிரான நீரோவின்மீது பரப்பிய வதந்தி ஏறத்தாழ 1956 வருடங்களுக்கும் மேலாக உலகப் பொதுத் தளத்தில் உயிரோடு இருக்கிறது

18.07.0064,

வெளியூரில் இருந்த நீரோவிற்கு ரோம் எரியும் செய்தி போகிறது

உடனே வருகிறான்

அவன் பேரரசன்

மெய்க்காப்பாளர்கள்கூட அவனோடு இல்லை

தீ அணைக்க திரளோடு திரளாய் இணைகிறான்

இடிபாடுகளுக்கு இடையே சிக்கிகொண்டிருப்பவர்களை மீட்கிறான்

நிவாரணப் பணிகளுக்காக முதலாளிகளுக்கும் செல்வந்தர்களுக்கும் வரி விதிக்கிறான்

முதலாளிகளும் செல்வந்தர்களும் இணைகிறார்கள்

எதை செய்தோ

செனட்டர்களையும் தங்களோடு இணைத்துக் கொள்கிறார்கள்

கிறிஸ்தவ தலைவர்களும் வரலாற்று ஆசிரியர்களும் விலை போகிறார்கள்

ரோம் பற்றி எரிந்தபோது நீரோ பிடில் வாசித்துக் கொண்டிருந்ததாய் வதந்தியை பரப்புகிறார்கள்

செனட் நீரோவை ரோமின் எதிரி என்று பிரகடனப்படுத்துகிறது

அவரை கட்டாயத் தற்கொலை செய்துகொள்ளுமாறு உத்தரவிடுகிறது

கட்டாயத் தற்கொலை செய்து கொள்கிறார்

விதிவிலக்காக

அந்தக் காலத்து செனட்டரான திரு டாசிட்டஸ் உண்மையை உள்ளது உள்ளபடி பதிவு செய்து வைத்துள்ளார் என்ற தகவலை தோழர் அறிவுக்கடல் தனது “இன்னாள் இதற்கு முன்னால்” நூலில் குறிப்பிடுகிறார்

டாசிட்டஸ் ஒரு வரலாற்று ஆசிரியரும் கூட

ஆக,

தனது நகரம் தீப்பற்றி எரிந்தபோது,

ஓடோடி அங்கு வந்தவனை,

உதவியாளர்கள் இல்லாமலே நிவாரணப் பணிகளில் ஈடு பட்டவனை,

பாதிக்கப்பட்டவர்களின் கண்ணீர் துடைத்தவனை,

அவர்களுக்கு உணவளித்தவனை,

நிவாரணப் பணிகளுக்காக செல்வந்தர்களிடமும் முதலாளிகளிடமும் வரி விதித்தவனை

கஜா புயலின்போது எம் மக்களைப் பார்க்க மறுத்தவரோடு

ஓகி எம் மக்களை கிழித்துக் கூறு போட்டபோது அயல்நாட்டு விருந்தினரோடு விருந்து சாப்பிட்டவரோடு,..

ஏழைகளிடம் வரிபோட்டு முதலாளிகளுக்கு தாரை வார்ப்பவரோடு

என் அன்பிற்குரியவர்களே ஒருபோதும் ஒப்பிடாதீர்கள்

அது ஒரு நல்லவன் பிணத்தை 1950 ஆண்டுகளுக்குப் பிறகு தோண்டி எடுத்து மீண்டும் கொல்வதற்கு ஒப்பாகும்