சொல்லிவிட்டு வந்திருக்கலாம்

டீ குடிக்க மூனுரூவா பத்தல, இருந்தா கொடேன்

கொஞ்சமும் யாசித்தலின் சாயமற்றிருந்தது அந்தக் கிழவியின் இறைஞ்சல்

ஐந்துரூபாய் நாணயமொன்றை எடுக்கிறேன்

இரண்டுரூபாய் மிச்சம் தருகிறாள்

போதும் அஞ்சுரூவா இருக்கு எங்கிட்ட

இருமுகிறேன்

“சளிப்புடிச்சா சனிப்புடிச்ச மாதிரி” டாக்டர பாரு

நகரும் பேருந்தில் அவசரமாய் தொற்றும் முன் யாரெனத் தெரியாத அந்தத் தாயிடம் சொல்லிவிட்டு வந்திருக்கலாம் நான்

“அது ஒன்னும் இல்ல தாயி, மழையில நனஞ்சதுதான்” என்று