மாமா, செத்துட்டியா?”

தூங்கிக்கொண்டிருந்தவனின் காலைத் தட்டி எழுப்புகிறார் லேஷந்த்

நல்ல தூக்கம்

“ஏந்தம்பி?”

“எங்க அப்பா துப்பாக்கி வாங்கித் தந்தாங்க”

“அதுக்கு என்னடா?”

“எந்திரி, நான் உன்ன சுடறேன்”

“தூக்கமா இருக்கு தம்பி”

“எந்திரி மாமா, சுடறேன். செத்து விழுவில்ல. அப்படியே தூங்கு. எந்திரி மாமா”

சுடறான்

செத்து விழுந்தேனா?

விழுந்து செத்தேனா?

என்ன நடந்தது என்று தெரியவில்லை.

சிரித்துக் கொண்டே கேட்கிறார்,

“மாமா, செத்துட்டியா?”

“செத்துட்டேன்”

“குட் பாய்”