குட்டிப் பதிவு 18

இன்று டோனிக்கு தடுப்பூசி போட வேண்டிய நாள்.

வெட்னரி மருத்துவருக்கு போன் செய்தேன்.

யாரென்று கேட்டவரிடம் எட்வின் என்றேன்

அவரால் என்னை யாரென்று புரிந்துகொள்ள முடியவில்லை என்பது தெரிந்ததும் சமயபுரம் ஆசிரியர் என்கிறேன்.

அப்போதும் அவருக்கு நான் யாரென்று விளங்கவில்லை.

கிஷோரை.,கீர்த்தனாவை, விக்டோரியாவை யாரையும் அவருக்கு தெரியவில்லை.

இறுதியாய் சார் நான் டோனியோட அப்பா என்றதும்,

" சார், வேற நம்பர்ல இருந்து வந்ததால குழம்பிட்டேன். சாரி, நான் டோனினு சேவ் செய்திருக்கேன். 12மணிக்கு வரேன் சார்"
என்கிறார்.