தேநீரின் வயது
அறுபத்தியொன்று ஆண்டுகள்
பதினோறு மாதம்
ஒரு நாள் என்பதையே
நம்பமுடியாத உங்களால்
உங்களுக்குத் தெரியுமா
தேநீருக்கு
மீசை உண்டு
அதுவும்
நரைத்த மீசை
தேநீருக்கு
நிறைய பெயர்கள் உண்டு
ஒரு பெயர்
எட்வின்
தேநீரின் தோழர்களிடம்
தேநீருக்கு
ஒரு கோரிக்கை உண்டு
எட்வின் எனும்
தேநீரும் ஒருநாள்
மரிக்கவே மரிக்கும்
தேநீரின்
சிதைமீது
ஊட்டி காபி பாரிலிருந்து
வாங்கி வந்த
ஐந்து குவளை
தேநிரைக் கொட்டி
பிறகு தீமூட்டுங்கள்
தேநீரின் சிதை
எரியத் தொடங்குகையில்
மரித்த தேநீர்
உயிர்பெற்று இருக்கும்
No comments:
Post a Comment
வணக்கம். வருகைக்கு நன்றி. தங்கள் கருத்துகளை வழங்கவும்.
தமிழில் டைப் செய்ய Click செய்யவும்