பார்ப்பன வலைக்குள் சிக்குவதும்

 

தொடர்ந்து பெரியாரை அவதூறு செய்து வருகிறார் சீமான்

இது கண்டு பெரிதும் மகிழ்ந்துபோயிருக்கிறார் குருமூர்த்தி

சீமான் உடம்பில் பார்ப்பன ரத்தம் ஓடுகிறது என்று அவர் சொல்லி இருக்கிறார்

உடனே சீமானது பிறப்பை கேள்வி கேட்பதுமாதிரி பதிவுகள் வருகின்றன

வருத்தமாக இருக்கிறது

இது குருமூர்த்தியின் கூற்றைவிட மோசமானது

நீயும் பார்ப்பான்தான் என்று குருமூர்த்தி சொல்வது சீமானைக் குழப்புவதற்காக

அவ்வளவுதான்

மற்றபடி குருமூர்த்தி சொன்னதற்காக சீமானை கருவறைக்குளெல்லாம் விடமாட்டார்கள்

பார்ப்பன வலைக்குள் சிக்குவதும் தப்பிப்பதும் சீமான் பாடு

20.01.2026

அவர் வாசித்த இருபதாயிரம் புத்தகங்களில்

 

பாஜக வலையில் விழுந்த ஷிண்டே ஆட்சியைக் கவிழ்க்கிறார்.

ஒருமுறை அதுகுறித்து பேசும்போது,

சிவாஜி உடனிருந்த பார்ப்பான் அவருக்கு துரோகம் இழைத்ததைப்போல ஷிண்டே தனக்கு துரோகம் இழைத்திருப்பதாக உத்தவ் தாக்கரே கூறினார்

உடனே சங்கிகள் கொதிக்கிறார்கள்

தமிழ்நாட்டில் இருக்கிற பார்ப்பன வெறுப்பு மகாராஷ்டிரத்திலும் நுழைந்துவிட்டதாகவும். தாங்கள் மிகவும் கவனமாக இருக்க வேண்டும் என்றும் அவர்கள் பேசவும் எழுதவும் ஆரம்பித்தார்கள்

மொழி விஷயத்திலும் இந்தித் திணிப்பை எதிர்ப்பதில் மகாராஷ்ட்ரா தமிழ்நாட்டைப் பின்தொடர்கிறது

மும்பையை , மகாராஷ்டிரத்தை அம்பானி அதானி கைகளில் தாரைவார்க்கும் அரசுகளின் சூழ்ச்சியை மாராத்திய மக்கள் புரிந்துகொள்ள ஆரம்பித்திருக்கிறார்கள்

அங்கு வாழும் தமிழ் மக்களும் தங்களை மாராத்திய மாநிலத்தவராகவே கருதவும் ஆர்ம்பித்திருக்கிற அழகான சூழல்

இது சங்கிகளுக்கு எதிரான நிலை

இவர்கள் மொழிசார்ந்து மக்கள் அடித்துக்கொண்டு சாக ஆசைப்படுபவர்கள்

அதனால்தான் ஏறத்தாழ தமிழ்நாட்டு பிரஜைகளாகவே தங்களை பொருத்திப்பார்க்கிற தமிழ்நாட்டுவாழ் பீகார் மக்களுக்கும்

அவர்களை தம் சகோதரர்களாகவே பாவிக்கும் தமிழ் மக்களுக்கும் இடையே பகையை விதைத்ததுபோல

மகாராஷ்ட்ராவிலும் ஒரு கலவரத்தை உண்டுபண்ண முயற்சிக்கிறார்கள்

மும்பை மகாராஷ்டிரா நகரம் அல்ல என்று சொன்ன அண்ணாமலைக்கு

1950களில் நடந்த "samyukta maharashtra movement" பற்றி எல்லாம்

அந்த போராட்டத்தில் உயிரிழந்த 106 தியாகிகள் குறித்தெல்லாம்

இந்த பிரச்சினையில் தனது ஒன்றிய நிதி அமைச்சர் பதவியை தேஷ்முக் ராஜினாமாசெய்ய நேர்ந்தது குறித்தெல்லாம்

எதுவும் தெரியாது.

அவர் வாசித்த இருபதாயிரம் புத்தகங்களில் இவை குறித்து எதுவும் இல்லை

பிரியத்திற்குரிய உத்தவ் அவர்கள் கொதிப்படைந்து வார்த்தைகளை விட வேண்டாம்

பீகாரிகள் பிரச்சினையை தமிழ்நாடு கையாண்ட சாதுர்யம் உங்களுக்கு வெளிச்சம் காட்டும்

13.01.2026

கொள்கை எதிரி தேர்தல் கூட்டாளியாகலாம்

 
12.01.2026 அன்று CBI விசாரனைக்காக விஜய் டில்லி செல்கிறார்

இதைத் தவிர்க்கவோ தள்ளிப்போடவோ இயலாது என்றே கூறுகிறார்கள்

இதை தனது மாய மேற்பார்வையில் நடத்த வேண்டும் என்று அமித்ஷா ஆசைப்படுகிறார்

அதனால்தான் டில்லியில் விசாரனை. இல்லையென்றால் விசாரனை சென்னையில் நடந்திருக்கும்

அமித்ஷா விரித்த வலையில் விஜய் சிக்கிக் கொண்டிருக்கிறார்

யாரை திருப்திப்படுத்தவோ

அல்லது யாருடைய குரலுக்கு மதிப்பளித்தோ தெரியவில்லை

அல்லது அவரது இயல்பான பெருந்தன்மையாகவும் இருக்கலாம்

ஸ்டாலின் முதல் தகவல் அறிக்கையில் விஜய் பெயரைக் கூட சேர்க்கவில்லை

எந்தத் தலைவரும் தன் தொண்டர்கள் சாவதை விரும்பமாட்டார்கள் என்றார்

அமித்ஷா இரண்டு செய்தார்

1) ஸ்டாலின் பலிவாங்குவதாகவும், 41 பேர் சாவில் திமுகவிற்கு பங்கிருப்பதாகவும் விஜயை சொல்ல வைத்தார்

2) CBI கோர வைத்தார்

அமித்ஷாவிடம் வசமாக விஜய் சிக்கியது இப்படித்தான்

யார் கண்டது

கொள்கை எதிரி தேர்தல் கூட்டாளியாகலாம்

எத்தனையோ பார்த்துவிட்டோம்

 இதையும் பார்ப்போம்

காங்கிரசை அழிக்க காங்கிரசே போதும் என்பது மாறத டெம்ப்லெட்

 காங்கிரசில் இருந்துகொண்டு சிலர் பாஜகவிற்கு வேலை செய்துகொண்டிருப்பதாக ராகுல் சமீபத்தில் கூறியிருக்கிறார்

அவர்களில் இருபதுபேரை நீக்க இருப்பதாகவும்கூட அவர் கூறி இருக்கிறார்

காங்கிரஸ்காரர்கள் சிலர் பாஜகவிற்கு வேலை பார்க்கிறார்கள் என்று அவர் கூறவில்லை. காங்கிரசில் இருந்துகொண்டு என்று மிகச் சரியாகக் கூறுகிறார்

இது தெளிவு

அவர்கள் RSS ஆட்கள்

அவர்கள் எல்லா கட்சிகளிலும் இருப்பார்கள். ஒருபோதும் அவர்கள் அந்தக் கட்சிகளைச் சேர்ந்தவர்கள் இல்லை

அப்படித்தான் காங்கிரஸ் கட்சியிலும் அவர்கள் நிரம்பி வழிகிறார்கள்

ஒன்றிய RSS வழிகாட்டுதலின் பேரில் தமிழ்நாட்டின் காங்கிரஸ் RSSகாரர்கள் காங்கிரஸ் இல்லாத தமிழ்நாட்டை கட்டியமைக்க முயற்சி செய்கிறார்கள்

அவர்களது திட்டம் எளிதானது

1) 40 சீட், அதிகாரத்தில் பங்கு என்று குட்டையைக் குழப்புவது. திமுகவை ஆத்திரப்படுத்துவதன்மூலம் கூட்டணியை சிதைப்பது

2) எப்படியும் தவெகவை பாஜக கூட்டணிக்குள் கொண்டுவந்துவிடுவது

3) இதன்மூலம் இங்கும் இல்லாமல் அங்கும் போகமுடியாமல் காங்கிரசை தனிமைப்படுத்துவது

காங்கிரசை அழிக்க காங்கிரசே போதும் என்பது மாறத டெம்ப்லெட்

05.01.2026

எடப்பாடி உணரவேண்டியது

 2026 இல் தமிழ்நாட்டில் பாஜக பங்கேற்கும் NDA கூட்டணி ஆட்சி

2026 இல் தமிழ்நாட்டில் பாஜக தலைமையிலான NDA கூட்டணி ஆட்சி

2026 இல் அதிமுக தலைமையில் பாஜக பங்கேற்கும் NDA கூட்டணி ஆட்சி

2026 இல் பாஜக தலைமையில் கூட்டணி ஆட்சி

எடப்படி தலைமையில்தான் கூட்டணி ஆட்சி

எடப்பாடி அல்லாத அதிமுக தலைமையிலான கூட்டணி ஆட்சி

என்று மாறி மாறி ஷா பேசுவதும்

இது நியாயமா, அடுக்குமா என்றெல்லாம் விவாதங்கள் கிளம்புவதும் வேடிக்கையாக உள்ளன

இதில் எதுவும் நடக்கப் போவதில்லை என்பது பாஜகவிற்குத் தெரியும்

பிறகு ஏன்?

இப்படியாக அதிமுகவை குழப்பி அதை ஆட்டையப் போட வேண்டும்

ஆக, இந்தத் தேர்தல் என்பது பாஜகவை பொறுத்தவரை அதிமுகவை சிதைத்து ஏப்பம் விடுவதற்கானது

இதை அதிமுக ஊழியன் உணர்ந்திருக்கிற அளவிற்கு எடப்பாடி உணரவில்லை என்பதுதான் துயரமானது

நாத்திகர்கள் நாங்களே புன்னகைத்து நழுவும் இடம்

 

ஒரு கிழவி நடந்துகொண்டே இருக்கிறாள்

அசதியாக இருக்கிறது

ஒரு மரம் தென்படுகிறது

நிழலுக்காக ஒதுங்குகிறாள்

ஒரு சுட்டிப் பொடியன் மரத்தின் கிளையொன்றில் அமர்ந்திருக்கிறான்

“பாட்டி” என்று கத்துகிறான்

கிழவி மேலே பார்க்கிறாள்

பசிக்குதா?

ஆமாம்பா

பழம் சாப்பிடுகிறாயா

உலுக்கித் தாயேன்

சரி பெரிசு என்ன பழம் வேண்டும்

நாவல் மரத்தில் மாம்பழமா இருக்கும். உலுக்குடா பொடியா

இல்ல பாட்டி இதுல ரெண்டுவிதமான பழங்கள் இருக்கு

கிழவியே குசும்புக்காரி. குசும்பென்றால் அப்படியொரு ஞானக் குசும்பு. தன்னையே சீண்டுகிறானே என்று ஒரு நிமிடம் குழம்பியவள்

என்ன ?

சுட்ட பழமும் இருக்கு சுடாத பழமும் இருக்கு. எது வேண்டும்

சரி சரி, சுட்ட பழமா போடு. சாப்பிடற சூடில்

உலுக்குகிறான்

பழங்கள் உதிர்கின்றன

பழமெல்லாம் மணல்

மணலை ஊதிக்கொண்டே கேட்கிறாள்

சேட்டக்காரக் கழுத, சுடவே இல்ல

பையன் சொல்கிறான்

சுடாமலா ஊதற

கிழவி வெளவெளத்துப் போகிறாள்

உங்களுக்குப் புரியும் ,

கிழவி அவ்வை, பொடியன் முருகன்

இது அமித்ஷாவிற்குப் புரிய வேண்டும்

இது புனைவாகவேகூட இருந்துவிட்டுப் போகட்டும்

எங்கள் தமிழ் சமய மரபு எங்கள் முருகனை தன் பிள்ளைகளோடு இப்படியாக உறவாடவும் விளையாடவுமாக படைத்தளித்திருக்கிறது

எங்கள் கிழவிமார்கள்

எங்கள் முருகனுக்கே புத்தி சொல்வார்கள்

உன் தத்துவம் தவறென்று சொல்லவும் அவ்வையின் தமிழுக்கு உரிமை உண்டு என்பார்கள்

இந்த இடம் நாத்திகர்கள் நாங்களே புன்னகைத்து நழுவும் இடம்

இது குமரி அனந்தன் அய்யா பொண்ணுக்கே புரியாதபோது அமித்ஷாவிற்கு எப்படி புரியும்

திருப்பரங்குன்றத்தில் நீ சிரித்தால் என்ற பாடலில் ஒரு இடம்

”சிறப்புடனே கந்தக்

கோட்டமுண்டு உன்

சிங்கார மயிலாட

தோட்டமுண்டு

உனக்கான மனக் கோயில்

கொஞ்சமில்லை

உனக்கான மனக் கோயில்

கொஞ்சமில்லை

அங்கு உருவாகும் அன்புக்கோ

பஞ்சமில்லை

அங்கு உருவாகும் அன்புக்கோ

பஞ்சமில்லை”

அமித்ஷா

எங்கள் முருகனை உங்களுக்குத் தெரியாது

நகருங்கள்

அவனுக்கான மனக்கோயிலில் அன்புக்கு பஞ்சமேயிருக்காது ஷா சார்

அதைக் கெடுக்காமல் நகருங்க சாமிகளா

இவ்வளவு ஈனத்தனமா எல்லாம் பேசக்கூடாது

 

தம்பி நீங்க மரியாதைக்குரிய ஒன்றிய அமைச்சர்

இவ்வளவு ஈனத்தனமா எல்லாம் பேசக்கூடாது

G7 அமைப்பில் இந்தியா இல்லை

  G7 அமைப்பில் இந்தியா இல்லை

எனவே G7 Summit கு இந்தியாவை அழைக்காததில் ஏதுமில்லை

G20 யில் இந்தியாவிற்கு தலைமைப் பொறுப்பும்

சுழற்சியில் வந்தது என்பதைத் தவிர

சிறப்பாக ஏதுமில்லை

தனியார் CA நிறுவனங்களிடம் இருந்து

  உள்ளாட்சித் துறைகள் மற்றும் பொதுத்துறை நிறுவனங்களை தணிக்கை செய்வதற்கு

டெண்டர் கோரி இருக்கிறது ஒன்றிய அரசு

இது ஊழலுக்கான அச்சாரம்

தெருவிறங்கி இதற்கெதிராகத் திரள வேண்டும்

தமிழ் மண்ணின் தொன்மை இந்தியாவின் தொன்மை

 கீழடி தொன்மை தமிழ் மண்ணின் தொன்மை

தமிழ் மண்ணின் தொன்மை இந்தியாவின் தொன்மை

பிற்கேன் ஒன்றிய சங்கிகள் இவ்வளவு பதறுகிறார்கள்?

தமிழ் மண்ணின் தொன்மை அவர்கள் கட்டமைக்க விரும்பும் பாரத தொன்மையை கேள்வி கேட்கும் என்பது அவர்களுக்குப் புரிகிறது

எனவே அவர்கள் பதறுகிறார்கள்

துயரம் என்னவெனில் தமிழ்நாட்டில் உள்ள சங்கிகளும் பதறுவதுதான்

”மூத்த” என்பது வயது மட்டும்தானா?

 டாஸ்மாக்கில் 1000 கோடிக்கு ஊழல் என்றும்

இதோ ED உதயநிதியைக் கைது செய்யப் போகிறது என்றும் ஒரு பரபரப்பை சங்கிகள் கட்டமைக்கின்றனர்

டாஸ்மாக் சம்பந்தமாக மொத்தம் 47 FIR கள்

அவற்றில் 41 அதிமுக காலத்தைச் சார்ந்தவை

ஆனால் அதை வைத்து திமுக மீது ஒரு போலியான எதிர் பிம்பத்தைக் கட்டமைக்க முயற்சி செய்கிறது சங்கிக் கூடாரம் .

எல்லோரைப் போலவே உங்களுக்கும் அரித்திருக்கிறது மூத்த பத்திரிக்கையாளர் மணி அவர்களே

எல்லோரைப் போலவே நீங்களும் சொறிந்து கொண்டிருக்கிறீர்கள்

அந்த அரிப்பும் சொறிதலும் கேவலம் என்பதும் உங்களுக்குத் தெரிந்தே இருந்திருக்கிறது

என்ன, அதை நீங்களே ஒத்துக் கொள்கிறீர்கள்

நீங்கள் சொன்ன Cheap என்ற வார்த்தையை கேவலம் என்று சொல்லியிருக்கிறேன்

அவ்வளவுதான்

சரி , இதை இவ்வளவு சிரிப்போடா ஒத்துக் கொள்வீர்கள் ?

இரண்டை சொல்லுங்கள் மணி

என்ன அரிப்பு உங்களுக்கு?

சொறிந்து கொண்டதால் என்ன கிடைத்தது?

”மூத்த” என்பதற்கு வயது மட்டும்தான் அளவுகோலா மணி

எங்கள் ஊரில் மைசூர்பாக் மைசூர்பாக்தான்

 நாங்கள் நாளை உங்கள் நாட்டில் உள்ள தீவிரவாதிகள் முகாம்கள் மீது மட்டும் தாக்குதல் தொடங்க இருக்கிறோம்

உங்கள் வாழிடங்களிலோ, அரசு கட்டிடங்களிலோ, ராணுவ முகாம்களிலோ ஏதும் செய்ய மாட்டோம் என்று தாக்குதல் நடத்துவதற்கு முதல்நாள் பாகிஸ்தானிற்கு வெளியுறவுத் துறை அமைச்சர் கூறியிருக்கிறார்

இதை அவரே சொல்கிறார்

இதை தேசபக்தி என்றும்

பாக் என உச்சரிப்பது தேசத் துரோகம் என்றும் சொல்கிறார்கள் சங்கிகள்

மைசூர்பாக்கை மைசூர்ஸ்ரீ என்றுதான் அழைக்க வேண்டும் என்கிறார்கள்

இன்று ஐந்து கடைகளில் நூறு நூறு கிராம் மைசூர்பாக் கேட்டேன்

கொடுத்தார்கள்

அதிலும் ஒரு கடையில் மைசூர்பாக் கேட்டது நீங்கதானே என்று கேட்டு என்னிடம் கொடுத்தார்கள்

ஆக எங்கள் ஊரில் மைசூர்பாக் மைசூர்பாக்தான்

தயவு செய்து படிக்க வேண்டியதைப் படிங்க

சட்டவிரோதமாக செயல்படுவதாக உச்சநீதிமன்றம் சொன்ன ஒருவர் 

இவரது பணிகளில் நேர்மையில்லை என்று உச்சநீதிமன்றம் சொன்ன ஒருவர்

தனது வேலையை சரிவர செய்யாதவரென்று உச்சநீதிமன்றத்தால் இடித்துரைக்கப்பட்ட ஒருவர் அழைத்தார் என்பதற்காக 

 எங்களால் தேர்ந்தெடுக்கப்பட்ட மக்களரசிற்கு குடைச்சல் தருவதற்கு வந்திருந்தாலும் 

 குடைச்சலைத் தருவது யாரென்ற போதும் எதிர்கொள்வோம் என்றபோதும்

 நீங்கள் இன்றையத் தேதியில் எங்கள் ஒன்றியத்தின் இரண்டாவது மகன்

அம்மா இரண்டாவது மகள் புத்தகம் தந்து வரவேற்கிறோம் 

 

தயவு செய்து படிக்க வேண்டியதைப் படிங்க

திருநெல்வேலியில் ஒரு பள்ளியில்

ஒரு குழந்தை இன்னொரு குழந்தையை அரிவாளால் வெட்டியிருக்கிறான்

பதறுகிறது

ஒன்றும் ஆகவில்லை என்பது கொஞ்சம் ஆறுதலைத் தருகிறது

அரசைக் குற்றம் சொல்கிறார்கள்

பள்ளிக் கட்டமைப்பைக் குற்றம் சொல்கிறார்கள்

ஆசிரியர்கள் சரியில்லை என்கிறார்கள்

குழந்தைகள் சரியில்லை என்கிறார்கள்

எந்த ப்ரிஜுடிசும் இல்லாமல் நெருக்கமான காரணத்தை

திரைப் படங்கள் ஒரு காரணம் என முன்வைக்கிறார் Bhuvana Gopalan

மேற்சொன்ன எல்லாவற்றிலும் உண்மை இருக்கிறதுதான்

ஆனால் அதே திருநெல்வேலியில் இருந்து ஒரு தலைவர்

வைரமுத்த கொல்ல வேணாமா என்று கொலைவெறியை மேடை போட்டுத் தூண்டுகிறார்

ஆன்மீகப் பெரியவர்கள் அந்த மேடையில் அமர்ந்திருக்கிறார்கள்

இதைத் தவறென்று அவர்கள் கண்டிக்கவில்லை

பிரதமர் கண்டிக்கவில்லை

சகோதரிகள் வானதி தமிழிசை என்று யாரும் அவரைக் கடிந்து கொள்ளவோ நெறிப்படுத்தவோ இல்லை

ஒரு தலைவர் இப்படிப் பேசினால் குழந்தைகள் இப்படித்தான் மாறுவார்கள் என்று யாரும் அவர் நோக்கி சுட்டுவிரலை நீட்டவில்லை

கொலைவெறியைத் தூண்டுகிற அந்தத் தலைவரை ஒன்றியத்தை ஆள்கின்ற கட்சி

தனது மாநிலத் தலைவராக அங்கீகரித்து ஆசிர்வதிக்கிறது

துயரம் என்னவெனில் அந்தக் கட்சியும் அந்தத் தலைவரும் பள்ளியில் நடந்த நிகழ்ச்சிக்காகக் கொந்தளிப்பதுதான்

17.04.2025

இனி நிர்மலா பெயரைக் கேட்டால் அவனது கண்களும் சிவக்கும்

 நிதியமைச்சர் நிர்மலானு கேட்ட மாத்திரத்தில் உன் கண்களில் தெரியும் வெறுப்பு நான் எப்போதும் உன்னிடம் பார்க்காதது. ஏன் மாப்ள

2018 ஜூன் முதல் வாரம்னு நினைக்கிறேன்

தூத்துக்குடி துப்பாக்கிச் சூட்டில் இறந்தவர்களுக்கு ஒரு வார்த்தை இரங்கல் கூட பிரதமர் சொல்லவில்லையே பிரதமர் என்று நிர்மலாவிடம் கேட்கிறார்கள்

பொறுங்க அவரிடம் ஏனென்று கேட்டுச் சொல்கிறேன் என்று நக்கலாகக் கூறினார்

அவரது அப்போதைய உடல்மொழி அவ்வளவு அருவெருப்பாக இருந்ததுடா மாப்ள

அதான்

இனி நிர்மலா பெயரைக் கேட்டால் அவனது கண்களும் சிவக்கும்

புல்டோசர் முன் நின்றபடி

அது சரி,

அவர்களுக்காச்சும் ஐகானா புல்டோசர் இருக்கு. உங்களுக்கென்னடா இருக்கு மாப்ள?

அவங்களுக்கு புல்டோசர் ஐகான் எனில் எங்களுக்கு

புல்டோசர் முன் நின்றபடி முடிஞ்சா இடிச்சுப் பாரென்று நின்று கர்ஜிக்கும் பிருந்தா படம்டா...

புல்டோசரை தங்களது கம்பீரத்தின் சின்னமாக

யோகி புல்டோசர் கொண்டு இடித்த ஐந்து வீடுகளுக்கு தலா 10 லட்சம் இழப்பீடு வழங்க உச்சநீதிமன்றம் உத்திரவிட்டுள்ளது

ஐந்து வீடுகள்தானா

இல்லையெனில் கண்டுபிடித்து வழக்குத் தொடுக்க வேண்டும்

புல்டோசரை தங்களது கம்பீரத்தின் சின்னமாக பாஜக நினைத்தது

அடி விழுந்திருக்கிறது

அதை சொல்வதற்கான உரிமை நமக்கில்லை

அதிமுக பொதுச் செயலாளர் யார் என்பதை அதிமுகதான் முடிவுசெய்ய வேண்டும்

அதை சொல்வதற்கான உரிமை நமக்கில்லை

ஜெயலலிதா இறந்தது முதலே அதிமுகவை தன் கட்டுக்குள் கொண்டுவந்து கொஞ்சம் கொஞ்சமாக கபளீகரம் செய்வதற்கான முயற்சியில் பாஜக இறங்கியது

கிட்டத்தட்ட தன் கட்டுக்குள் கொண்டும் வந்துவிட்டது

தலைவர்கள் விலைபோய்க்கொண்டு இருக்கிறார்கள்

ஆனாலும் பாஜக உணராததும்

ஒரு போதும் அதனால் உணர்ந்து கொள்ள முடியாததுமான ஒன்று உண்டு

திமுகவோ அதிமுகவோ,

தொண்டர்கள் ஒருபோதும் விலைபோக மாட்டார்கள்

ஒரு கட்டத்தில் அவர்கள் விலை போன தலைவர்களைத் தூக்கி எறிந்துவிட்டு 

தமக்கான தலைவனைத் தேர்ந்தெடுப்பார்கள்

31.03.2025

செருப்பு விசயத்துலயே .

 தாங்கள் ஆட்சிக்கு வந்ததும் தனியார் பள்ளிகளுக்கு அனுமதி இல்லைனு அண்ணாமலை சொல்றாரே மாப்ள

அத்தைக்கும் மீசை முளைக்கலாம் ஆனால் பாஜக வராது என்பது வேறு

செருப்பு விசயத்துலயே அந்தப் பையன நம்ப முடியலையேடா

எடப்பாடி சார் வேண்டுமானால் பம்மலாம்

 நாகை மாவட்டத்தில் உள்ளது தலைஞாயிறு பேரூராட்சி

15 உறுப்பினர்கள்

ஏழு பேர் திமுக

ஏழு பேர் அதிமுக

ஒருவர் பாஜக

அதிமுகவும் பாஜகவும் இணைந்து அதிகாரத்திற்கு வருகிறார்கள்

அதிமுகவைச் சேர்ந்த திருமிகு செந்தமிழ்செல்வி பேரூராட்சி தலைவர்

பாஜகவின் கதிரவன் இணைத் தலைவர்

சுவாரசியம் என்னவென்றால்

திமுகவும் அதிமுகவும் இணைந்து பாக்க கதிரவனை இம்பீச் செய்திருக்கிறார்கள் என்ற செய்தியை 25.03.2025 இந்து தருகிறது

எடப்பாடி சார் வேண்டுமானால்  பம்மலாம் அமித்ஷா சார்

பாஜக விசயத்தில் திமுக அதிமுக ஊழியர்கள் இணைந்து கூட பாஜகவை வீழ்த்துவார்கள்

கவனம்

27.03-2025